Aita biltzaile

Erabiltzailearen aurpegia

Aita biltzaile eta seme hondatzaile.

Herrialde, leku eta etxe orotako

kontua; alegia askotarako

mami, irakaspen moralen sortzaile.

Aita bizi guztian lan eta lan,

irabaziak gerorako gordez;

semeak, gordetakoa gorde ordez,

den-dena xahutzen du bat-batean.



Horixe, labur esanda, historia.

Seme zabarrak beti izango dira,

bai eta aita babaloreak ere.



Bietan norena ote erru gorria?

Neronek, semea hormara begira

jarriko nuke, zigortxoa andere.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!