Goizeko bi jarduera horiek, erretirodunen hamaiketakoaren ondoren etorri dira. Lehenengo, herritarrak lasterka aritu dira, hiru mailatan banatuta, herria inguratzen zuen ibilbideari itzuliak emanez. Zazpi urte bitartera arteko haurrek, itzuli bat eman diote herriari. Mutiletan lehena, Eki izan da, Aitorren aurretik. Nesketan, berriz, Bidane, batera heldu diren Noa eta Irati baino lehen helmugaratu da. 8 eta 15 urte bitarteko gaztetxoetan, bi itzuli eman ondoren, Nora izan da azkarrena. Guztien artean, parte hartu duen txikienari ere eman diote saria amaieran, eta hori Unaik jaso du.
Helduen mailan, bestalde, zirkuituari hiru itzuli ematen azkarrenak Jasone eta Lander izan dira, Alazne eta Markelen aurretik. Aipatu, bi gizonezkoen arteko lehia oso estua izan dela amaieran. Lasterkari beteranoenak, Iñakik, ere jaso du merezitako saria, herriari hiru aldiz buelta eman ondoren.
Tokari dagokionez, haurretan, Antton izan da lehena eta Ahmet bigarren. Gizonezkoetan lehena, Bartolo izan da, eta emakumezkoetan, Jaionek lortu du garaipena. Bigarren postua, berriz, desenpateak erabaki du, eta azkenean, Julik eskuratu du. Arratsaldean ere bada zer ospatua Baliarrainen: jolasak, zezen txikiak, zahagi ardoa, dantza emanaldia, trikitilariak... ikusi hemen egitaraua.
