Giroak altxatzera egingo du

Erabiltzailearen aurpegia Iker Ibarluzea 2020ko uzt. 3a, 05:57

Goizean oraindik ipar ukituko haizearekin hodei ugari eta euri-langar pixka bat izango dugu. Eguerditik aurrera haizeak ipar-ekialdera egin, atertu eta ostarteak zabalduko dira, eguna giro politarekin amaituz. Tenperaturek gora egingo dute, maximoak 20-21°C-tan kokatuz.

Larunbata (uztailak 4)

Giro eguzkitsu eta sanoa. Goizean goiz behe-lainoa agertuko den arren, eguzkiak segituan xurgatuko du eta giro urdin eta eguzkitsua izango dugu egun osoz. Haizeak goizean ipar-ukitua izango du, eguerditik aurrera ipar-ekialdekoa finkatuz eta tenperatura maximoek koska polita egingo dute gora, eguneko erdiko orduetan 25-26°C-tan joaz goia.

Igandea (ekainak 5)

Giro eguzkitsuarekin jarraituko dugu. Goizean berriz ere behe-laino puntu bat izango da baina hori altxa ostean giro eguzkitsua geratuko da. Arratsalde partean hodei gehiago ikusiko dira zeruan, baina garrantziarik gabeko hodeiak izango dira eta giro lasaia izango da egun osoz. Tenperaturak antzeko balioetan mugituko dira edo zertxobait goraxeago, maximoek 25-27°C-tan joko dutelarik goia.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!