2020ko eka. 17a, 05:58
Egun osoz zeruan hodeiak nagusituko dira eta euri zaparradaxka batzuk izango ditugu. Zaparradak egun osoz izango dira baina orokorrean ahulak eta oso tartekatuak. Haizeak mendebal/ipar-mendebaldetik joko du eta tenperaturek beste koskatxo bat behera egingo dute, 16-17ºC-tan joaz goia eguneko erdiko orduetan.
Osteguna (ekainak 18)
Eguraldia altxatzen hasiko zaigu pixkanaka. Goizean oraindik hodeitza handia izango da eta euri pixka bat izango da. Hala ere, oso gutxi botako du. Eguerditik aurrera atertu eta eguna amaitzerako ostarte batzuk izango ditugu. Haizeak ipar ukitutxo bat izango du eta tenperatura maximoak koskatxo bat igoko dira, eguneko erdiko orduetan 17-18ºC-tan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!