Euri zaparrada batzuk izango ditugu, puntualki ekaitzen bat jotzea baztertu gabe. Hala ere, atzokoarekin alderatuz, euri gutxiago botako du. Tenperaturak antzeko balioetan geratuko zaizkigu, maximoak 19-20ºC-tan errendituz.
Larunbata (ekainak 13)
Antzeko joera izango du eguraldiak berriz ere. Goizean giro lasaia, non hego-haizexkak joko duen eta hodeiak eta ostarteak tartekatuko zaizkigun. Eguerditik aurrera berriz ere ipar-mendebaldeko haizea nagusituko da, hodeiak gailenduko dira eta euri zaparradaxka batzuk izango ditugu. Hala ere, euri askorik egiterik ezta espero. Termometroek koska pare bat gora egin eta maximoak 21-22ºC-tan geratuko dira.
Igandea (ekainak 14)
Aspaldiko partez giro egonkorra. Egun osoan zehar hodei batzuk agertuko diren arren, giro argia nagusituko da eta eguzkiak lan egin ahalko du. Goizean behe-hodeixka batzuk agertuko dira eta arratsaldean bero-hodeiren bat, baina trabarik egin gabe eguzkiari eta bestelako ondoriorik ekarri gabe. Haizea aldakor ibiliko da eta tenperatura maximoak igo egingo dira, eguneko erdiko orduetan 24-25ºC-tan joaz goia.