2020ko eka. 11a, 05:58
Goizean hego-mendebaldeko haizearekin giro lasaia eta atsegina izango dugu, non hodeiak eta ostarteak tartekatuko diren eta tenperatura maximoak 19-20ºC-tan errendituko diren. Eguerditik aurrera haizea ipar-mendebaldera aldatu, fronte bat sartu eta euritara joko du. Zaparrada mardulak botako ditu eta gainera ez da baztertzen ekaitzak jo eta zaparrada gogorragoren bat botatzea.
Ostirala (ekainak 12)
Giro nahasia. Goizaldean oraindik zaparradaren bat izango dugu. Ondoren goiz erditik arratsaldeko lehen orduak arte giro lasaia izango dugu, hodeiak eta ostarteak tartekatuko direlarik. Arratsalde erditik aurrera zaparrada batzuk itzuliko dira eta tarteka mardul botako du. Haizeak hego-mendebaldetik zakar xamar joko du eta tenperatura maximoak igo egingo dira, eguneko erdiko orduetan 21-22°C-tan joaz goia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!