Giro eguzkitsu eta epela

Erabiltzailearen aurpegia Iker Ibarluzea 2020ko mai. 27a, 05:59

Goizeko behe-lainoa desegin ostean, giro eguzkitsua nagusituko da egun osoz, nahiz eta, uneren batean goi-hodeiren bat edo beste ikusi eta arratsalde erditik aurrera bero-hodeiren bat garatu. Bero-hodei hauek ez dute ekaitzik utziko. Haizeak ipar-ekialdera egingo du eta tenperatura maximoek nabarmen gora egingo dute, 24-25ºC-tan joaz goia.

Osteguna (maiatzak 28)

Giro eguzkitsu eta beroa. Goizean goizetik zeru urdina nagusituko zaigu eta eguzkiak gogotik berotzeko aukera izango du. Arratsaldean zehar bero-hodeiren bat edo beste garatuko da baina ez du ekaitzetarako joerarik izango. Haizeak ekialde/hego-ekialdetik joko du eta tenperatura maximoak nabarmen igoko dira, eguneko erdiko orduetan 29-30ºC-tan joaz goia.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!