Gainera zaparrada mardulak izango dira eta nahiko sarri botako du, ekaitzak jotzea baztertu gabe. Arratsaldeko lehen ordutik aurrera atertzen hasi eta egun amaierarako giro lasaia geratuko da. Haizeak ipar-mendebaldetik joko du eta tenperaturak ez dira 15-17⁰C-tatik pasako.
Osteguna (maiatzak 14)
Giro ezegonkorra. Egun osoz hodeitza handia izango dugu eta euri kontuek ere gure artean jarraituko dute. Goizean orokorrean zaparrada ahulak eta tartekatuak izango dira. Arratsaldean bero-hodeiak garatzen joango dira eta iluntze-gau alderako puntualki ekaitzen bat edo beste izango da. Haizeak iparraldetik joko du eta termometroak beste egun batez ez dira 15-17⁰C-tatik pasako.