Egun osoz hodeiak izango dira protagonista eta hodei hauek euria utziko digute. Goizean botako du euri gehien; arratsaldean zaparradak askoz tartekatuagoak eta ahulagoak izango dira, ordu askotan ateri mantenduz.
Atzokoarekin alderatuz askoz euri gutxiago izango da. Haizeak mendebaldetik joko du eta termometroek 10-12⁰C-tan joko dute goia. Elur-maila goizean 600-800 metrotan egongo da baina arratsaldean asko igoko da.
Asteazkena (martxoak 4)
Giroa lasaitzen joango da. Goizean oraindik euri zaparrada batzuk izango ditugu, orokorrean ahulak. Arratsaldean pixkanaka atertzen hasiko da eta egun amaierarako ateri geratuko da. Haizeak goizean ipar-mendebaldetik joko du, arratsaldean hego-mendebaldetik finkatuz eta termometroak 13-15⁰C bitartean geratuko dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
