Eguraldiak okerrera egingo du

Erabiltzailearen aurpegia

Goiz partean oraindik ere giro lasaia izango dugu, hodeiak eta ostarteak. Aurreko egunekin alderatuta zerua zikinago agertuko zaigu baina oraindik ere giro lasaia eta argia izango dugu. 

Eguerditik aurrera, ordea, eguraldiak okerrera egingo du. Ipar mendebaldeko haizearekin eta fronte bat gerturatzen joango den heinean zerua estaltzen joango zaigu eta arratsalde erditik aurrera zerua estalirik geratuko da eta euria ere izango dugu. Euri zaparradak ahulak izango dira eta orokorrean litro gutxi pilatuko dira, baina nahikoa izango da egunaren amaieran jada eguraldia aldrebesteko. Tenperaturek ipar mendebaldeko haizearekin koska polita behera egingo dute eta eguneko erdiko orduetan 22-24 gradutan errendituko dira maximoak.  

Biharkoan, berriz, eguraldi euritsua izango dugu, batez ere egunaren lehendabiziko zatian. Ipar mendebaldeko haizea bizi ibiliko da eta horrekin itsasotik hodei dezente sartuko zaizkigu eta hodei hauek euri zaparrada mardul xamarrak utziko dizkigute egunaren lehendabiziko zatian. Egunaren bigarren zatian pixkanaka zaparrada hauek geroz eta ahulagoak izango dira, tartekatuagoak, eta egunaren amaierarako atertzeko joera hartuko duela eta eguraldia lasaitzen hasiko duela. Tenperaturak 20 graduetara iritsi ezinik ibiliko dira maximoak. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!