Eguraldi egonkor eta lasaia izango dugu gaurkoan. Goiz partean, oraindik, hodei dezente agertuko dira, baina, euritarako joerarik ez dugu izango.
Arratsalde partean ostarteak zabalagoak izango dira, eta eguzkiaz gozatzeko aukera izango da. Haizeak ipar-ekialdetik joko du, eta tenperaturak gora egingo du koxka bat. 20-22 graduetan joko dute goia termometroek eguneko erdiko orduetan.
Biharkoan, oso eguraldi polita espero da. Eguraldi egonkor eta eguzkitsua izango dugu. Goiz partean behe lainoa agertuko da, baina, segituan altsako du, eta egun osoa zehar giro eguzkitsua mantenduko da. Haizeak ipar-ekialdetik edo ekialdeko ukituarekin joko du eta tenperatura maximoa 23-25 gradura igoko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
