Aurten ere mendizaletasuna eta argazkigintza batzeko intentzioarekin antolatu du Amasa-Villabonako Aizkardi Mendizale Elkarteak argazki rallya.Partehartzaileek aurrez markatutako ibilbidea burutu beharko dute 7. ediziora iritsi den lehiaketan eta mendia eta naturarekin zerikusia duen gai zehatz baten inguruko argazkiak atera beharko dituzte, igandean.
Argazki kamera digital nahiz analogikoekin parte hartu ahal izango da argazki rallyan eta 36 argazki atera beharko dituzte 09:00etan hasiko den lehiaketan. 9 kilometroko ibilbidea egin beharko dute argazkilariek lau orduko tartean.
Ateratako argazkietatik hiru aukeratu beharko dira lehiaketarako eta aurkezturiko lanak azaroaren 24 eta 28 artean erakutsiko dira Gurea zinema aretoan.
Epaimahaiak aukeratuko ditu argazki guztien artean saridunak eta hauen erabakia apelaezina izango da. Erakusketara gerturatzen den jendeak publikoaren sarirako bozkatzeko aukera ere izango du eta irabazle honek epaimahaiaren saria ere jaso ahalko du.
Sari banaketa azaroaren 28an, ostiralean, izango da 21:00etan Gurea zinema aretoan, 31. Aizkardiren mendi asteko azken proiekzioaren ostean.
Aizkardiren argazki rallya, igandean
2014ko aza. 14a, 12:53
09:00etan hasiko da argazki rallya eta aurrez markatutako ibilbidea burutu beharko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!