Zazpi Astoren Gainean eta Arrain Nahastuak Getarian

Zazpi Astoren Gainean eta Arrain Nahastuak taldeek bertso saioa jokatu zuten ostiralean Getarian. Alex Goikoetxea alegitar gai jartzailea izan da gurean eta berarekin aztertu dugu bertso saioa.

Arrain nahastuak 12, Zazpi astoren gainean 12. Berdinketa. Pasa den martxoaren 4an izan zen Getariako Berdura Plazan bi taldeen arteko bertso saioa. Guztira 90 entzule inguru eta giro goxoa. Saio ona.
 
Gai jartzailea: Ane Ezenarro
Arrain nahastuak: Danel Olano, Libe Goenaga eta Egoitz Aizpuru
7 astoren gainean: Mikel Artola, Imanol Irazustabarrena eta Hodei Oiarzabal
 
Alex Goikoetxea alegitarra izan dugu gaurkoan bidelagun. Bere bertsozaletasuna, lehen esperientziak eta bertso munduak sortzen dion zirrara kontatu dizkigu, Getariako bertsoaldiak entzun ditugu bitartean.
 
7 astoren gainean dauzkagu zain alegitarrak, ostilarean Ataunen zer pasako. Izan ere, Aizkorpek 19 puntu beharko lituzke alegitarrei pasatzeko eta aldiz 16 Arrai nahastuek. Paretxuko saioa joaten bada, alegitarrak pasako dira hurrengo fasera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!