Koronabirusa

Erantzukizun indibiduala eta kolektiboa COVID-19aren aurrean

Erabiltzailearen aurpegia Maite Izagirre, Amasa-Villabonako EAJ 2020ko uzt. 9a, 11:58

Amasa-Villabonako EAJren udal taldeak ekimen bat erregistratuko du alkatetzatik koronabirusaren inguruan herritarrak kontzientziatzeko kanpaina bat abian jar dadin, alarma egoeraren ondoko fase honetan.

Udaleko bigarren talde politikoarentzat argi dago, hilabeteetako konfinamenduaren ondoren, gizarteak bere ohiturak lasaitu dituela, eta normaltasun berriak nolabaiteko arduragabekeria kolektiboa ekarri duela higieneari eta gizarte-distantziari buruzko oinarrizko arauak mantentzeari dagokionez.

Gaur egun, nahikoa da Villabonako kaleetan barrena ibiltzea maskara oso gutxi erabiltzen dela egiaztatzeko; dirudienez, merkataritza-lokaletara mugatuta dago, eta ez beti. Agerikoa da puntu beltzak daudela udalerriko erdiguneetan, non ezinezkoa den metro eta erdiko distantzia sozialari eustea, eta, horregatik, ezinbestekoa izan behar du eramatea.

Horrexegatik, EAJ taldeak Beatriz Unzue alkateari lehenbailehen informazio eta kontzientziazio-kanpaina bat abian jartzeko eskatzen dio, gutxienez, parametro hauetan oinarrituta:

Banakako erantzukizun jarraituari eusteko beharrari buruz, birusari eusteko bermerik onena delako, buzoneo orokor bat ahalbidetzea.

Informazio-panel espezifikoak jartzea distantzia soziala mantentzea oso zaila den eta maskara erabiltzea ezinbestekoa den eremuetan (Kutxaren eta Santiago kalearen artekoan, eta abar).

Esparru itxietan (saltokietan, eta abar) maskara erabili beharrari buruzko informazio-kartel handiak ipintzea.

Era berean, EAJk uste du oso beharrezkoa dela Udaltzaingoak bere jarduerak areagotzea edukieren kontrolari, maskarak erabiltzeko informazio-erreke- rimenduari eta abarri dagokienez.

Kanpainak gure arduragabekeriak osasun publikoa arriskuan jartzen duela barneratzeko balio behar du.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!