Xabier Arzallus Antia: Agur eta ohore

Erabiltzailearen aurpegia Tolosako EAJ 2019ko mar. 1a, 18:36

Abertzale guztiontzat eredu eta gidari izan da, guztiontzat, izan ere bere hitzak edonorentzat izan dira ikasgai. Aberriaren askatasunagatik lan handia egindakoa da Xabier, erreferentea, zalantzarik gabe herri honek izan duen politikaririk bikainenetakoa.

Burukide aparta izan da Euzko Alderdi Jeltzalearentzat, gidari aparta herriarentzat. Abertzaletasuna ezin uler daiteke  "Aitite Arzallus" gabe. Abertzaletasuna eta herrigintza, herritik herria sortzen, aberritik lan egiten, Euskadiren alde tinko, beti.

Egungo Euskal Herria baldin badugu berari zor diogu eta hari egin diezaiokegun omenaldirik handiena herrigintzan sutsu jarraitzea da. Bere abertzaletasunetik edan dugu, bere hitzek hezi dute herri hau eta lanean jarraitu behar dugu Euskal Herri aske baten alde.

Itzal handiko erreferente politikoa izan da Arzallus, abertzale erraldoia, herri honen gidari. Izan zelako gara eta garelako izango dira. Izar berri bat piztera doa Euskal Herriko zeru gainean.


Eskerrik asko, Xabier. Gora Euskadi Askatuta!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!