«Murrizketen politika bazter uzteko» eskatu diote sindikatuek Hezkuntza Sailari

Erabiltzailearen aurpegia

Eusko Jaurlaritzak "alde bakarreko" erabaki "murriztaileekin" jarraitzen badu, erantzuna "irmoa" izango dela nabarmendu dute ELAk, LABek, Steilasek, CCOOk eta UGTk.

ELA, LAB, Steilas, CCOO eta UGT sindikatuek agerraldia egin dute Eusko Jaurlaritzaren kanpoaldean, Gasteizen, eta Hezkuntza Sailari eskatu diote «murrizketen politika bazter uzteko», eta jar ditzala baliabideak hezkuntza publikoa «indartzeko». Cristina Uriarte Hezkuntza sailburuari «alde bakarreko» erabaki «murriztaileak» hartzea leporatu diote, eta ohartarazi diote «bide beretik» jarraitzen badu «erantzun irmo bat» artikulatzea beste erremediorik ez dutela izango.

Sindikatuen ustez, Hezkuntza Sailak negoziazio kolektiboa «mespretxatzen» du. «Langileen ordezkariekiko Hezkuntza Sailak daukan jarrera onartezina da, alde bakarreko erabakiak hartzen dituelako, eta sindikatuekin gutxieneko komunikazioa ere ez dagoelako». Sindikatuek salatu dute ikasturte hau bukatzeko eta hurrengoa hasteko Jaurlaritza hartzen ari den neurrien berri «prentsaren bidez» edukitzen dutela.

«Mespretxu» hori gertatzen ari den bitartean, kritikatu dute bost sindikatuek, Hezkuntza Saila murrizketak egiten ari da datorren ikasturtera begira: «Irale ikastaroak, Hamaika esku programa, sukaldeetan zein jangeletan lan egiten dutenen kolektiboan...». Sindikatuen ustez, COVID-19aren krisiak «erakutsi» du hezkuntza publikoa «indartzeko beharra» dagoela. «Baina argi geratzen ari da Hezkuntza Sailaren apustua ez dela hori izango».

Erlazionatuak

Jaurlaritzako Hezkuntza Saila hurrengo ikasturterako murrizketak egiten ari da

Erabiltzailearen aurpegia Tolosaldea

"Ikastetxe publikoetako zuzendariek eta familiek argi dugu konfinamentuak sortutako beharrei erantzuteko baliabide berriak beharko direla ikastetxe...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!