Aulkitik

Kalitatezko jauzia

Erabiltzailearen aurpegia

Bolada onari jarraipena emateko gogoz eta astebete deskantsatu ondoren gogo handiz ekin genion lehen faseko azken partida prestatzeari.

Badira jada aste dezente entrenamenduetako sentsazioak onak direla, eta horrek azken partidetako emaitza onekin batera lanean jarraitzera motibatzen gaitu.

Aste honetan aurrean genuen aurkaria ez zen edonolakoa hala ere. Añorgaren aurka jolasten genuen, momentu hartan bigarren postuan zegoena, baina argi genuen inork baino gehiago behar genituela hiru puntuak eta ezin ginela uzkurtu.

Partidan sufritzea tokatu beharko zitzaigula bagenekien, baina prest geunden horretarako ere. Gogor hasi ziren beraiek, baina hala ere, lehenengo zatiko hamargarren minutuan kontraeraso ezin hobe batekin Ainarak bat eta hutsekoa lortu zuen. Nahiz eta beraiek partida berdintzeko aukerak izan, taldeak defentsan lan izugarria egin zuen eta markagailua ez zen lehen zatian ipinitako bat eta hutsekotik mugitu.

Garaipen honekin lehen fasea jaitsiera postuetatik kanpo amaitu dugu, baina hala ere orain jaitsiera fasea jokatzea tokatzen zaigu. Momentu onean gaude eta ahalik eta gehien luzatzen saiatuko gara gure helburua lortu ahal izateko, 1. Nazional Mailan gutxienez beste urtebetez mantentzea. Gogor neskak, lortuko dugu!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!