Elkartasun Astearen barruan gaur, asteazkena, odol emate eguna dugu. Berrikuntza gisa aurten Gipuzkoako Elikagaien Bankuarekin elkarlanean elikagai bilketa egiten ari gara zentroan eta Hiritarren Harrera Sarearekin ere koordinatu gara motxila eta bidaia poltsak, bufanda, txano eta eskularruak, gizonezkoentzako beroki eta galtzak, 39tik 45era bitarteko zapata eta botak, mantak eta lo zakuak, galtzerdiak, telefono mugikorrak, bizikletak eta kirol arropa biltzeko. Helburua da, aipatutako elkarteekin lankidetzan aritzeaz gain, ikasleak eta irakasleak kontzientziatzea interdependentziaren garrantziaz, gizartearen funtsezko balio gisa, eta gutxieneko ahalegin batekin lortzen dugun ekarpen ikaragarriaz.
Elkartasun Astean gaude
2021ko urt. 26a, 16:45
Tolosaldea Lanbide Heziketako Ikastetxe Integratuan Elkartasun Astea dugu. TKnika zentroarekin dugun elkarlanari esker Balioak 4.0 proiektua ari gara garatzen, ikasleek zeharkako gaitasunak landu ditzaten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!