Xabier Zalduak eta Arria V.ak apustua itxi dute

Erabiltzailearen aurpegia Joxe Anjel Sarasola 2017ko uzt. 28a, 20:27

10 kanaerdiko ebaki eta 10 kilometro egin beharko dituzte korrika. Alde bakoitzak 4.000 euro jarriko ditu. Hasiera batean abenduaren 3an egingo litzateke apustua, Azpeitiko zezen plazan.

Xabier Zalduak bota zuen desafioa: 10 kanaerdiko eta 10 kilometro. Gaur zen hitzordua Mendizabal jatetxean. Arria V.a ez da azaldu, baina bai bere kuadrilla, eta hauek itxi dute apustua Ibarran bizi den errezildarraren izenean.

Eguna hasiera batean abenduaren 3a izango da, 12:00etan. Baina ondorengo egunetan zehaztuko da data. Azaroaren 26a izango litzateke beste aukera.

Egurrak Xabier Zalduak emango ditu.

Alde bakoitzak 1.000 euroko seinalea jarri du.

Bigarren apustua

Arria V.aren ordezkariak bakarrik ez dira azaldu apustu deialdira. Etxeberria nafarra ere joan da Mendizabalera, eta hauek ere apustua itxi dute Zalduarekin. Kasu honetan, Etxeberriak abantaila izango du: 10 kanaerdiko eta 8 kilometro egin beharko ditu. Zalduak 10 eta 10

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!