Badira irribarre goxoak eta irribarre gaiztoak
irribarre lotsatiak eta garaileen irribarreak
badira hortzik gabeko irribarreak eta gogorik gabekoak
badira ezpain gorriekin egiten diren irribarreak, ezpain lehorrekin, ezpain musukatu berriekin
badira irribarreak beste irribarre bat sortzen dutenak
eta irribarreak, beste irribarre bat eskatzen dutenak
eta izan, badira jaiotzerako hiltzen diren irribarreak ere
ezinean itoak, begietara jauzi, eskuetara ihes egin nahi dutenak
oihal azpietan preso dauden irribarreak dira
musukoetan bahituak
irribarre arriskutsuak dira
irribarre hiltzaileak
debekatutako
zigortutako
legez kanpoko irribarreak dira
eta ez dakigu, noiz arte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!