Txindoki inguruak argiztatzeko deia egin du ostiralerako

Erabiltzailearen aurpegia Goierriko Hitza 2019ko urr. 21a, 19:57

Kataluniako herriari elkartasuna adierazteko eta Altsasuko gazteen askatasuna exijitzeko antolatu du Gure Eskuk ekimena. Ostiralean, 17:00etan, Larraizko goiko aparkalekuan da hitzordua, eta argazkia 20:00etan ateratzea da asmoa.

Kataluniako mugimendu independentistak Montserraten eta Euskal Herrian Aiako Harrietan zein beste toki batzuetan egin dituzten ekimenen haritik, Goierriko Gure Eskuk Txindoki inguruak argi seinalez betetzeko deia egin du ostiralerako, hilak 25. Herritarrei Larraizko goiko aparkalekuan, 17:00etan, biltzeko deia egin du dinamikak. Argazkia, berriz, 20:00etan aterako dute. Bakoitzak bi linterna eramateko eta mendian babesteko arropa janzteko deia egin du Goierriko Gure Eskuk. “Azken boladako injustiziak salatzeko, Kataluniako herriari elkartasuna adierazteko eta Altsasuko gazteen askatasuna exijitzeko” antolatu dute ekimena.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!