Komunikazio ez bortitza hilean behin hizketagai bilakatuko dute Elena Egigurenek eta Leire Intzak. Komunikazio ez bortitzeko formatzaileak dira, eta Tolosaldeko komunikazio ez bortitzeko praktika taldeko kideak dira. Lehen tartean, Elena Egigurenek autoenpatiaz hitz egin digu.
Egunean hiru minutu bakoitzak berarentzat hartzeko proposamena luzatu du. Gelditu, arnasa sakon hartu eta gorputza sentitzeko gonbitarekin hasi du ikasturtea.
Ikasturte honetan jendearen parte hartzea nahi dute, eta gaiak, zalantzak, proposamenak edota esperientziak konpartitzeko ataria@ataria.eus helbidera idatzi dezakete komunikazio ez bortitzean interesa dutenek, eta jarraian hilean behineko saioan hortaz hitz egiteko aukera izango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
