Jai giroa eta, batez ere, beroa nagusi izan dira gaur Izaskunen. Nerea Ibarzabal eta Joanes Illarregi bertsolariek abiatu dute festetako bigarren eguna, eta giro ederrean hartu dute plaza kirolariek. Hain justu, harria jasotzen aritu dira Udane Ostolaza eta Jon Gisasola Zelai V, eta aizkoran, berriz, Uxue Ansorregi eta Ioritz Gisasola Zelai IV izan dira.
Lanak amaituta, herri bazkaria egin dute, bertsolariek girotuta. Arratsaldean ere hainbat ekitaldi izango dira. Hona hemen gaurko egitaraua:
- 16:00-19:00. Zezen mekanikoa.
- 18:00. Emakume okerrak musika emanaldia.
- 19:30. Txaranga bartoleroa.