'Erradikalak gara' eta kantu afaria, sarea osatzeko

Tolosaldeko Ataria 2017ko mai. 17a, 10:42

Urtebete joan da Ibarran emakume taldea osatu zutela, baina hilabete hauek ez dira oso emankorrak izan eta taldea indartu beharrean daudela ikusi dute. Hori dela eta, taldeari izena jarri, Kaxkubi, eta bi ekitaldi antolatu dituzte ostiralerako, udalaren laguntzarekin. Batetik, Erradikalak gara antzezlana ikusi ahal izango da 18:30ean, kultur etxean, eta ondoren, kantu afaria egingo dute Xepla elkartean. Bi ekitaldi hauekin, gainera, abian dagoen I barra-barra Euskaraz ekimenarekin egin nahi izan dute bat. Kantu afaria 21:00etatik aurrera izango da eta bertan herriko beste eragile batek ere hartuko du parte, abesbatzak hain zuzen.

Ibarrako emakume taldea hiru astez behin biltzen da, Zubiaurre tabernan. «Hamar bat emakume biltzen gara oraingoz, eta garai batean Ibarran zegoen emakume taldeari omenaldia eginaz, Kaxkubi izena jarri diogu», esan du taldeko Nerea Arregik.

Erlazionatuak

200 pertsonek hartu dute konpromezua

Tolosaldeko Ataria 2017 mai 17 Ibarra

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!