Denok Bat plataformako Silvia Moneo Cid gaztea izango da aurrerantzean Belauntzako alkate. Larunbatean egin zuten ez ohiko osoko bilkura eta aho batez onartu zuten bere izendapena. Ilusioa aipatu zuen kargua hartzerakoan eta baita herritar orori zabalduta daudela udaletxeko ateak. Iñaki Telleria, Jose Antonio Ormazabal eta Jose Ramon Moneo izango ditu ondoan.
Mariano Lazkano pasa den abenduaren 1ean hil zen bihotzekoak jota, 64 urte zituela. Hirugarren agintaldia zuen Denok Bat plataformarekin. 2015eko udal bozetan gehiengo osoa lortu zuten. Zehazki lau hautetsi lortu zituzten eta Gazteak Aurrerak hiru.