Anoetako jaiak berdintasun ikuspuntutik, "betaurreko moreak jantzita" antolatzea du helburu Anoetako Udalak. Aurreko larunbatean, maiatzak 13an, egin zuten lehen saioa eta uztaila hasieran izango da bigarrengoa, behin Korputs jaiak pasata.
Anoetako Udalak herriko eragileekin parte hartze prozesu bat jarri du martxan, jaietan emakume eta gizonen arteko berdintasuna bermatzea helburu duena. Farapi Kooperatiba Elkarteak bideratuko du prozesua eta guztira bi edo hiru saio izango dira. Bigarrena, uztailaren 1ean izango da, herriko festak pasa ondoren, 11:00etatik aurrera.
Hala, bigarren bilera horretan, igarotako festez arituko dira, eragileek festak behatzeko konpromisoa hartu baitute. Eta ikusitakoaren hausnarketa eginez jarraituko du taldeak bere lanketa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
