Komunikazio munduarekiko gertutasuna sentitu edo sentitzen ari diren gazteak dira TOLOSALDEKO ATARIA-k izan dituen azken bisitariak. Anoetako Ikastolatik gerturatu dira Tolosako erredakziora; euren ikasgeletan teorian ikasi dutena praktikan errealitate nola bihurtzen den ikusi dute.
Bederatzi neska-mutilek hautazko gisara aukeratu dute Komunikazio Tailerra delako irakasgaia, «erakargarria» egiten zitzaielako edota zeinek daki geroaldi gertu batean komunikazio alorreko ikasketekin jarraitu nahi dutelako. Lehen harra sentitu eta mikrofono aurrean ere nola komunikatzen duten entzun ahal izan dute. Anoetarren ahotsa uhinetan entzun da Erakutsiz ikasi programari esker.