Ezagutzeko, dastatzeko eta gozatzeko

Erabiltzailearen aurpegia Josu Artutxa Dorronsoro 2017ko api. 22a, 15:00

Bigarren urtez jarraian, Euskal Herriko garagardo artisauen azoka ospatzen ari dira Villabonako Behar Zana pilotaleku estalian; gauean kontzertuak egongo dira herriko tabernetan.

Bertako antolatzaileek adierazi bezala, "garrantzitsua da gure lurraldean ditugun artisauen produktuak ezagutzea", eta horretarako aukera eskaintzen ari dira egun guztian zehar Villabonan, Behar Zana pilotalekuan. Euskal Herriko leku ezberdinetatik etorritako hamazazpi artisauek dituzte bertan postuak, eta horietan, badira garagardo mota bat baino gehiago eskaintzen dituztenak. Denentzat dago lekua bertan, hasiberrientzat ere.

Baina, guztia ez da garagardoa soilik. Edanaz gain, herriko sukaldariek landutako pintxo ezberdinak nahiz taloak dastatzeko aukera ere badago. Gauean, berriz, herriko zenbait tabernetan musika talde ezberdinen kontzertuak entzuteko aukera izango da. Beraz, gerturatu nahi duenak, oraindik aukera du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!