Datorren ekainaren 30ean Altzoko Udala eta Gipuzkoako Urak SA Kontsorzioaren arteko hitzarmena amaitzen da. Hitzarmenaren arabera, azken hamar urte hauetan ur eta arazketa zerbitzuak «kudeaketa integrala» deituriko sisteman kudeatu ditu Ur Kontsorzioak Altzon.
Aurrerantzean zerbitzu hauek nola kudeatu erabaki aurretik, herritarren partaidetza sustatze aldera, herri batzarrak egitea erabaki du udalak. Lehenengo batzarra informatiboa izango da, azken 10 urteetako balantzea egiteko, eta horretarako Kontsorzioaren izenean Iñigo Elosegi joango da Altzora. Batzarra gaur izango da, 19:30ean, udaletxeko ekintza aretoan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!