Igandea, azaroak 30

08:30

41. Mendi Astea

Aizkardi mendi taldearen 41. Mendi Astea. Mendi ibilaldia.

10:00

14:00

Irteera

Tolosako Azokako lagunentzat irteera kostaldera. Unai Fernandes izango dute bidelagun, onddoak identifikatzen ikasteaz gain, nola elikatzen diren eta zein mota dauden ere ikasiko dute.

11:00

Pailazo ikuskizuna

Porroyx, Marimotots eta Pupu eta Loreren ikuskizuna. 'Zerua lapurtu dute'.

11:00

Tailerra

Txinatar itzalen hastapen-tailerra. Familientzako tailerra. 5 euro.

12:00

Titirijai

'Sabel berde andrea'. Larraitz. 5 urtetik aurrerakoentzat. 50 minutu. Euskaraz. Esku-txotxongiloak. Cachiporra izeneko Penintsulako eskularru-txotxongiloen tradizio aberatsa ezagutu nahi dutenei zuzenduta dago. Europako tradizioetan lehen aldiz, emakumezko protagonistak, Doña Barriga Verdek, ikuspegi berriak eskaintzen dizkigu tradizio honetako genero-rolen eta estereotipoen gainean. Hala, mendeetan zehar barrearen bidez bidegabekeriak arintzen lagundu digun teknika honen eguneratze eta berrinterpretazio bat da.

12:30

14:00

Euskararen Eguna

12:30. Triki-poteoa. 14:00. Eltxoak elkartean, bertso bazkaria Alaia Martin eta Nerea Ibarzabalekin. Gai jartzaile lanetan Amaia Agirre. Babarrun jatea izango da.

16:30

Titirijai

'Origen'. Arrels de bosc (Katalunia). Familia guztiari zuzenduta. 45 minutu. Gaztelaniaz. Objektuak. Nor gara? Nondik gatoz? Nora goaz? Hauek dira existitzen denetik gizadiak egiten dituen galdera existentzialetako batzuk. Origen objektuen antzerkiko proposamen n bat da, eta galdera horien erantzunak aurkitu nahi ditu hiru emakumeren, familia bateko hiru belaunaldiren iruditeriaren bidez.

17:00

Sormenetik Gurera

Añube taldeko Aitor Bedia izango da gonbidatua, eta herriko gazteek egingo diote elkarrizketa. Galtzaundik eta Gure Plazatxok elkarrekin antolatuta.

17:30

Titirijai

'Antón Retaco'. Titiriteros de Binefar. 5 urtetik aurrerakoentzat. 50 minutu. Gaztelaniaz. Esku-txotxongiloak eta maskarak. Dramaturgia onenaren Drac d’Or saria Lleidako Fira de Titelles 2016an. Kontakizunak Antón Retaco haurraren istorioa kontatzen du, artista ibiltarien konpainia bateko kidea. Bizitza askeari, herri antzerkiari, gauza xumeen balioari eta haien gaineko begirada garbi, poetiko eta atseginari zuzendutako kantua da ikuskizuna. Gizarteratzea sustatzen du.

18:00

Dokumental proiekzioa

18:00. Akelarre taldearen dokumentalaren emanaldia. Ondoren. Talo jatea.

19:30

Bakarrizketa

'Simpol' bakarrizketa, Maria Cruickshankekin. Sarrera doan.

20:00

Titirijai

'Ephimeros'. Nauta. 9 urtetik aurrerakoentzat. 60 minutu. Hitzik gabea. Izotz-txotxongiloa eta maskarak. Ephimeros ikuskizunean dantza, maskarak eta txotxongiloak uztartu egiten dira. Nanúa, izotzezko hartz zuri bat, gizakiak suntsitutako mundu batean haiei aurre egiten die bere ikuspegia ipintzean. Beranduegi izan baino lehen bidea okertu nahian, hemen gaude. Planeta nekatu baten aurrean, finitu agertzen zaiguna.

09:00

III. Argazki lehiaketa

III. Argazki Lehiaketa. Eskulanak. Helduak (14 urtetik gorakoak) eta gazteak (14 urtetik beherakoak).

09:59

Erakusketa birtuala

Ondarearen Europako Jardunaldien barruan, erakusketa birtuala. 'Ondare industrialaren eraikuntza: mapak eta planoak'. Gipuzkoako dokumentu historikoetan ilustratutako eta irudikatuta fabriken, proiektuen eta makinen planoak eta mapak erakutsiko dira erakusketa birtual baten bidez.

10:00

Erakusketa. 'Gelede maskarak'

Gelede tradizioa Ketu eskualdean sortu zen, Beningo Errepublikan, XVIII. mendearen amaieran, eta ondoren Gineako Golkoaren eskualde osora zabaldu zen. Jarduera hori nekazaritza-ziklo bakoitzaren hasieran egiten den urteko jaialdiarekin oso lotuta dago, baina garai berezietan ere egiten da, hala nola uztaren ondoren, lehorteetan, epidemietan edo komunitateko ekitaldi esanguratsuetan. Maskarak buru gainean eramaten dira kasko bat bezala, burezurra estaliz baina aurpegia libre utziz. Maskararen goiko aldeak eszena konplexuak ditu, bere eguneroko bizitza kontatzen dutenak, giza irudiak, animaliak eta elementu sinbolikoak barne.

10:59

Erakusketa. 'Txotxongilo kontzientea'.

Bambalina teatre practicable. 'Txotxongilo kontzientea'. Lau hamarkadatik gorako ibilbidean zehar, Valentziako Bambalina Teatre Pracicable konpainiak proposamen eszeniko interdiziplinarra garatu du, txotxongilo eta objektuen erabileratik abiatuta, eta erakusketan haietaz gozatu ahal izango dugu. Bambalinak, arte eszenikoetan txotxongiloa legitimatzeaz gain, publikoa bere adinaren arabera bereizten duten konbentzioak desitxuratu nahi ditu, entzule guztiak maisuki elkartzen dituzten obrak aurkeztuz.

11:00

Titirijai

5 saio: 11:00, 11:40, 12:20, 13:00 eta 13:40. 'El arbol de la calle'. Arrels de bosc (Katalunia). 11 urtetik aurrera. 20 minutu. Gaztelaniaz. Objektuak. Ikuskizun hau zortzi ikusleri eskainitako bidaia intimo bat da, objektuen antzerkiaren eta parte hartzeko instalazioaren bidez, publikoa funtsezkoa bilatzera eta haren barruan sakontzera eramaten duena. Motibazioa: naturara itzultzeko bi- dea, geure baitara itzultzeko bidea, ezagutzea.

16:59

Erakusketa. 'Bookface'

Zizurkilgo Bookface erakusketa.

17:30

Erakusketa. 'Itzulera ezkutuaren esnatzea'

Juremaren Pelofuegoren 'Itzulera ezkutuaren esnatzea' erakusketa. Berrogei artelan inguru biltzen ditu, zeramikaz egindako eskulturak eta olio zein akriliko pinturak tartean. Azken urteetako lanaren emaitza dira, eta bereziki nabarmentzen dira tamaina handiko margolanak eta izaera antropomorfikoa duten eskulturak, karga sinboliko eta emozional handikoak.