Saiaz Gizarte Zerbitzuen Mankomunitateak emakumeentzat Atxondo ingurura irteera antolatu du. Uztailaren 10ean egingo dute egunpasa, eta helburuen artean Albiztur, Beizama, Bidania-Goiatz eta Errezilgo emakumeek elkar ezagutzea eta elkarrekin ekimenak egitera animatzea dute. Anboto ingurua aukeratu dute bisita egiteko, eta Amillena emakumeen kooperatiba ezagutuko dute. 10:00ak aldera autobusez irtengo dira Albiztur, Bidania-Goiatz eta Errezilgo plazetatik pasaz. 11:30ak alderako Arrazolako Bentara iritsiko lirateke auzoa ezagutu eta Amillenako proiektua azalduko diete, eta Amillena jatetxean bertan, bertako eta inguruko produktuak jateko aukera izango dute. 14:00etan bazkaltzera joango dira, eta 16:30ean, etxerako bidea hartuko dute. Irteera joan nahi dute emakumeek izena emateko saiaz@saiaz.eus helbide elektronikora idatzi beharko dute, edo 646 478 414 telefono zenbakira deitu.
Saseta Defentsa Sistemako lubaki bat induskatzen ari da Aranzadiko boluntario talde bat eta indusketa nola gauzatzen den nahiz honen testuinguru historikoa ezagutzeko aukera egongo da. Bertara bisita egiteko gonbita luzatzen zaio Aiztondo bailarako herritar orori. Elkargunea: Peuskate (Peruazkarate), Zaratetik Andatzara doan bidean. 11:10ean elkartu eta bertatik indusketa eremura bideratuko dira. Izena-emateko: marrastoa@aranzadi.eus .
19:00. Gozategi musika taldearen kontzertua, zezen plazan. Sarrerak www.kulturaplazara.eus atarian salgai.
Saikin3 Gastrotabernak aurkeztuko du Aldapeko Basque Latin Jazz proiektua, Imanol Iribarren eskutik.
Jabetze Eskolako xilografia ikastaroko ikasleen lanak ikusgai egongo dira Emakumeen Etxeko erakusleihoetan.
Nomad Studio Art-ek Gipuzkoan barrena Erretratu Nomada proiektua ixteko, Alegiako plazan 'La Bitxa' izango nahi dute, nahi duen pertsona orok erretratua eskuratzeko. Gutxieneko donazioa 10 eurokoa izango da, argazki bakoitzeko.