Larunbata jai eguna izanik, aste honetan Tolosako Azoka ostiralean ospatuko da.
Alurr dantza taldearen 25. urteurreneko bideo proiekzioak. Bost saio izango dira, kultur etxean. Ondorengo orduetan eskainiko dira emankizunak: 16:00, 17:00, 18:00, 19:00 eta 20:00.
Euskadiko odol emaileen elkartearen bidez, Villabonako Gunea zineko erakusketa gelan odol emateak izango dira.
Kontseilu Sozialistak antolatuta, 'M1. Sozialismoaren aldarria berreskuratu' dinamika. 'Parisko komunak 150 urte' hitzalida. Iraultza atzo eta gaur.
'Urmuga' proiektua Mendi Film lehiaketan aurkezteko aurredokumentalaren proiekzioa. Felipe Uriarte espedizio buruak eta Migel Zeberio zuzendari artistikoak azalpenak emango dituzte eta solasaldia egongo da partaide eta gonbidatuekin. Euskaraz, publiko guztiari zuzendua, gonbidapena eskatzen du.
Loatzo musika eskolak antolatuta, klarinete entzunaldia. Gonbidapenak Loatzo musika eskolakoek banatuko dituzte.
Gipuzkoako Eskolarteko Bertsolari Txapelketako bigarren kanporaketa. Nerea Isusi, Mikel Ostolaza, Ane Zubia, Aratz Arzelus eta Irati Arakistain. Saiorako gonbidapenak eskuragarri www.bertsozale.eus webgunean.
'Metamorfosia' saioa, Garikoitz Mendizabal txistulariaren eta German Ormazabal piano-jotzaile tolosarraren eskutik, Leidorren.
Euskal presoen eskubideen aldeko kontzentrazioa. 'Aitor, Gari eta Jon Lizartzara'.
Topic-ek aldi baterako erakusketa berri bat inauguratu du. Maiatzaren 30era arte egongo da zabalik, Gizonak, emakumeak eta txotxongiloak. UNIMA: txotxongiloarentzat etorkizuna sortzen eta sortzen. Izenburuak Henryk Jurkowskiren saiakerari egiten dio erreferentzia, 1979an argitaratu baitzen UNIMA (Txotxongiloen Nazioarteko Batasuna) elkartearen 50. urteurrenean. Guztira, hainbat teknikaren 75 txotxongilo erakutsiko dira.
'1970-2020 Burgosko Prozesua' erakusketaren irekiera izango da martxoaren 18an, Aranburu Jauregian. Gipuzkoako Foru Aldundiak, Aranzadi Zientzia Elkartearekin eta Euskal Herriko Unibertsitateko Giza Eskubideen eta Botere Publikoen Unesco Katedrarekin batera antolatu du erakusketa. Burgosko Prozesuaren 50. urteurrenean, gertaera historiko haren testuingurua ezagutzera eman eta azaldu nahi du, baita Euskal Herriaren hurbileko historian izan zuen eragina ere. Frankismoari epaiketa egitasmoak garaiko 173 dokumentu eta testigantza grafiko emango ditu argitara, martxoaren 18tik apirilaren 30era bitartean. Informazio gehiago hemen.
Plazida Otaño liburutegiaren 5. urteurrena. "Nekeetan, irria ezpainetan", umorea bidelagun. Motxila ibiltariko erakusketa.