Aurten ere ez da festarik izango Anoetan, baina maiatzerako eta ekainerako agenda elkarlanean osatzeko bilera egingo dute, bi zatitan banatuta. 18:00. Haurrentzako ekimenen inguruan.19:00. Jarduerak orokorrak.
'Dementzia Bizitzen' programaren sarrera gisa, Tolosako Inmakulada Lanbide Ikastolan lehen tailerra egingo du Burubihotzez elkarteak. Dementziak dituzten pertsonentzako eta, ora har, adinekoentzako mugikortasun-eragileak aztertuko dira. Pertsona kopuru mugatu batekin ariko dira eta, beraz, parte hartu nahi duenak izanena eman beharko du: www.burubihotzez.eus edo 688 76 09 27 an.
Berri Txarrak taldearen azken bira kontatzen duen 'Dardara' dokumentalaren proiekzioa. Villabona.dok zikloaren barruan. Zuzendari: Marina Lameiro. Musika: Berri Txarrak. Urtea: 2021. Iraupena; 97'. Hizkuntza: euskara, gaztelania, ingelesa, japoniera eta alemana. Sarreraren prezioa: 3 euro.
Topic-ek aldi baterako erakusketa berri bat inauguratu du. Maiatzaren 30era arte egongo da zabalik, Gizonak, emakumeak eta txotxongiloak. UNIMA: txotxongiloarentzat etorkizuna sortzen eta sortzen. Izenburuak Henryk Jurkowskiren saiakerari egiten dio erreferentzia, 1979an argitaratu baitzen UNIMA (Txotxongiloen Nazioarteko Batasuna) elkartearen 50. urteurrenean. Guztira, hainbat teknikaren 75 txotxongilo erakutsiko dira.
'1970-2020 Burgosko Prozesua' erakusketaren irekiera izango da martxoaren 18an, Aranburu Jauregian. Gipuzkoako Foru Aldundiak, Aranzadi Zientzia Elkartearekin eta Euskal Herriko Unibertsitateko Giza Eskubideen eta Botere Publikoen Unesco Katedrarekin batera antolatu du erakusketa. Burgosko Prozesuaren 50. urteurrenean, gertaera historiko haren testuingurua ezagutzera eman eta azaldu nahi du, baita Euskal Herriaren hurbileko historian izan zuen eragina ere. Frankismoari epaiketa egitasmoak garaiko 173 dokumentu eta testigantza grafiko emango ditu argitara, martxoaren 18tik apirilaren 30era bitartean. Informazio gehiago hemen.
Irurako emakume taldeak antolatuta. 61 irudiz eta hitzez osatutako erakusketa, Ekaitz Goikoetxea eta Josu Marotoren eskutik. Astelehenetik ostiralera 17:00-19:00 artean ikusgai, eta larunbat eta igandetan 11:00-13:00 eta 17:00-19:00. Apirilaren 17an bisita gidatua egingo dute, euskaraz, helduentzat. Bisita gidatuak gonbidapena eskatzen du.