Tolosaldeko pentsionistak udaletxe aurrean elkartuko dira pentsio duinak eskatzeko.
Eskualdeko haur eskolek deituta, elkarretaratzea Trianguloa plazan Haurreskola Partzuergoaren auzia jendartean zabaltzeko eta langileei babesa adierazteko.
'Entzuten al didazue?: bilera birtualak egiteko tailer praktikoa'. Prestatzailea: Ana Maiz. Hizkuntza: Ele bitan. Matrikula: Doan (aurrez izena eman behar da). Mugikortasun mugatuko garai hauetan, funtsezko bihurtu da birtualki konektatuta egotea. Horretarako, bideo-deiak egiteko aukera ematen diguten doako hainbat aplikazio daude: zoom, jitsi, meet... Tailer honetan tresna horiek erabiltzeko trebetasunak hobetzen saiatuko dira. * Beharrezkoa da ordenagailua, tableta edo mugikorra eramatea.
Aurki berrituko dute Tolosako Euskal Herria plazako zorua eta lanekin hasi aurretik, Tolosako Udala bertako bizilagunekin, ostalariekin, Topic-eko ordezkariekin, plazan kokatuta dagoen hoteleko jabearekin eta azokagileekin elkartuko da proiektuaren nondik norakoak azaldu eta lanen inguruko zehaztapenak emateko. Bileretan parte hartzeko aurrez eman behar da izena eta gaur da azken eguna. Udaten eman behar da udate@tolosa.eus helbidera idatzita, edota 010 eta 943 65 44 66 telefono zenbakietara deituta
Topic-ek aldi baterako erakusketa berri bat inauguratu du. Maiatzaren 30era arte egongo da zabalik, Gizonak, emakumeak eta txotxongiloak. UNIMA: txotxongiloarentzat etorkizuna sortzen eta sortzen. Izenburuak Henryk Jurkowskiren saiakerari egiten dio erreferentzia, 1979an argitaratu baitzen UNIMA (Txotxongiloen Nazioarteko Batasuna) elkartearen 50. urteurrenean. Guztira, hainbat teknikaren 75 txotxongilo erakutsiko dira.
@Itzalpeko Emakumeak @ItzalpekoEErkibe Kultur Elkarteak, Itzalpeko emakumeak erakusketa ibiltaria antolatu du. XX. mendean errepresioa eta jazarpena pairatu zuten emakume aitzindariak izango dira erakusketaren protagonistak.
Miren Gonzalez Goikoetxearen 'SOS Sahara' erakusketa ikusgai 3 tabernan. Euskal artista talde batek 2010. urtean Mendebaldeko Saharako lurralde okupatuetara bidaia bat egin zuen. Beraien helburua bertan bizi diren sahararren eskubideen egoera aztertu eta bueltan egoera hori hemen zabaltzea zen.Miren Gonzalez Goikoetxea tolosarra bidaia hartako partaidetako bat izan zen eta 'SOS Sahara" erakusketaren bidez ari da betetzen eginkizun hura.
Kale erakusketa. Mendebaldeko Sahara, emakumeen begirada. Javi Julioren muralak herritarrek osatuak.
Emakumeen Nazioarteko Eguna eta Poesiaren Nazioarteko eguna lotu nahi izan dituzte 12 panel ezberdinetan. Informazio gehiago hemen.
Maria Jesus Arozenaren 'Hondarrezko koadroak' eta Milagros Goikoetxearen 'Gurutze puntua'.
'1970-2020 Burgosko Prozesua' erakusketaren irekiera izango da martxoaren 18an, Aranburu Jauregian. Gipuzkoako Foru Aldundiak, Aranzadi Zientzia Elkartearekin eta Euskal Herriko Unibertsitateko Giza Eskubideen eta Botere Publikoen Unesco Katedrarekin batera antolatu du erakusketa. Burgosko Prozesuaren 50. urteurrenean, gertaera historiko haren testuingurua ezagutzera eman eta azaldu nahi du, baita Euskal Herriaren hurbileko historian izan zuen eragina ere. Frankismoari epaiketa egitasmoak garaiko 173 dokumentu eta testigantza grafiko emango ditu argitara, martxoaren 18tik apirilaren 30era bitartean. Informazio gehiago hemen.