Txalo Talo antzerki taldeak Ipuinak aldatzen lana antzeztuko du eskolako haurrei zuzenduta Etxolan. Bi saio izango dira, 17:00etan txikienentzat, eta 18:15ean gainontzekoentzat. Antzezlan horretako aktoreak Ester Poveda, Arantzazu Rodas eta Aloña Izagirre herritarrak izango dira.
BiziLabe zientzia-tailerra. 10-14 urte bitarteko gazteentzako jarduerak eskainiko dira, bi orduz. Zientzialariek gidatutako tailer praktikoak izango dira, eta biologia, kimika, fisika edota teknologiarekin lotutako esperimentuak egingo dituzte, lagunartean. Euria egingo balu, frontoian.
'Berrabiatze handia' hitzaldia. Alfonso Longoren eskutik. Sarrera librea edukiera bete arte.
Maite FRankoren ipuin kontaketa LH1-LH3 bitarteko haurrentzat. Izen-ematea liburutegian.
Lodifobia gaiaren inguruko hitzaldia, Mijo Lizarzabururen eskutik. Adin guztientzat, sarrerak ostatuan.
Xabier Leteri Omenaldia: Loreak eta Zauriak. Bere kantuak gogoratzeaz gain, bere kantuen eta bere melodien bidez gaur egun bizi dugun jendarteari begiratuko dion proposamen bat da 'Loreak eta zauriak'. Bertsoz, kantuz eta hitz lauz 70eko hamarkadatik 2020ra, bizitzatik heriotzara ”ni"-tik "gu"-ra eta Xabier Letetik gugana bidaiatuko dugu. Iraupena: 1 ordu 45 min. Beñat Gaztelumendi: Bertsoak eta testuak.Xabier San Sebastian: Ahotsa eta gitarra.Joserra Senperena: Pianoa.Quico Pugès: Biolontxeloa.
Topic-ek aldi baterako erakusketa berri bat inauguratu du. Maiatzaren 30era arte egongo da zabalik, Gizonak, emakumeak eta txotxongiloak. UNIMA: txotxongiloarentzat etorkizuna sortzen eta sortzen. Izenburuak Henryk Jurkowskiren saiakerari egiten dio erreferentzia, 1979an argitaratu baitzen UNIMA (Txotxongiloen Nazioarteko Batasuna) elkartearen 50. urteurrenean. Guztira, hainbat teknikaren 75 txotxongilo erakutsiko dira.
@Itzalpeko Emakumeak @ItzalpekoEErkibe Kultur Elkarteak, Itzalpeko emakumeak erakusketa ibiltaria antolatu du. XX. mendean errepresioa eta jazarpena pairatu zuten emakume aitzindariak izango dira erakusketaren protagonistak.
Miren Gonzalez Goikoetxearen 'SOS Sahara' erakusketa ikusgai 3 tabernan. Euskal artista talde batek 2010. urtean Mendebaldeko Saharako lurralde okupatuetara bidaia bat egin zuen. Beraien helburua bertan bizi diren sahararren eskubideen egoera aztertu eta bueltan egoera hori hemen zabaltzea zen.Miren Gonzalez Goikoetxea tolosarra bidaia hartako partaidetako bat izan zen eta 'SOS Sahara" erakusketaren bidez ari da betetzen eginkizun hura.
Kale erakusketa. Mendebaldeko Sahara, emakumeen begirada. Javi Julioren muralak herritarrek osatuak.
Emakumeen Nazioarteko Eguna eta Poesiaren Nazioarteko eguna lotu nahi izan dituzte 12 panel ezberdinetan. Informazio gehiago hemen.
Martxoaren 8tik 18ra udal liburutegian, emakume idazleen liburuak maileguan hartzen dituzten irakurleek, zozketa batean parte hartuko dute. Zozketa martxoaren 18an egingo da, liburutegian bertan. Saria: liburu bat eta herriko produktuez osaturiko lote bat.
'Emakumeen sormena' erakusketa. Guretzako emakume taldearen joskintza lanak eta Xilografia ikastaroko partaideen lanak.
Maria Jesus Arozenaren 'Hondarrezko koadroak' eta Milagros Goikoetxearen 'Gurutze puntua'.