Martxoaren 28an Korrikaren harira ekitaldi berezia egin nahi dute Zizurkilen. Hori antolatzeko bilerak egingo dituzte otsailaren 18an, martxoaren 4an eta martxoaren 11n.
'Dementzia bizitzen' proiektuaren aurkezpena. Programaren berri emateko hitzaldi bat antolatuko da familientzat, profesionalentzat eta proiektuan boluntario gisa parte hartu nahi dutenen guztientzat. Hitzaldia Asier Arrizabalaga fisioterapeutak eta Igone Etxeberria Psikologia Fakultateko (UPV/EHU) irakasle eta ikertzaileak emango dute, Zahartzaroko (Geriatria eta Gerontologiako Euskal Elkartea) Desgaitasun eta zahartzaroa taldeko koordinatzaileak direnak. 40 lagunentzako lekua egongo da hitzaldira aurrez aurre joan nahi dutenentzat, eta streaming bidez jarraitzeko aukera emango da esteka honetan: https://youtu.be/zu58vfEB4WE
'Zadibar zona cero' hitzaldia Ahoztar Zelaietarekin. Izen-ematea kultur etxean.
Euskal emakume idazleen irakurketa feminista tailerra. Uxue Alberdiren 'Dendaostekoak' liburua, Kattalin Minerrek dinamizatuta.
21. Ahoz aho. Ahozkotasunaren Nazioarteko Jaialdia. Nicolas Buenaventura (Kolonbia). Gaztelaniaz.
Topic-ek aldi baterako erakusketa berri bat inauguratu du. Maiatzaren 30era arte egongo da zabalik, Gizonak, emakumeak eta txotxongiloak. UNIMA: txotxongiloarentzat etorkizuna sortzen eta sortzen. Izenburuak Henryk Jurkowskiren saiakerari egiten dio erreferentzia, 1979an argitaratu baitzen UNIMA (Txotxongiloen Nazioarteko Batasuna) elkartearen 50. urteurrenean. Guztira, hainbat teknikaren 75 txotxongilo erakutsiko dira.
Aranburu Jauregiko beheko solairuan udalak inauteriei buruz duen material eta bildumarekin. Jeiki Jeiki 2021 izena duen erakusketa honek, guztira, 22 panel izango ditu garai bateko zein egungo irudiekin, inauterien bilakaera ikusteko eta ikusentzunezkoak ere eskainiko dira. Gehienez ere 6 pertsonako taldetan bisitatu ahal izango da erakusketa edukierak eta indarrean dauden neurriak errespetatzeko.
@Itzalpeko Emakumeak @ItzalpekoEErkibe Kultur Elkarteak, Itzalpeko emakumeak erakusketa ibiltaria antolatu du. XX. mendean errepresioa eta jazarpena pairatu zuten emakume aitzindariak izango dira erakusketaren protagonistak.
Miren Gonzalez Goikoetxearen 'SOS Sahara' erakusketa ikusgai 3 tabernan. Euskal artista talde batek 2010. urtean Mendebaldeko Saharako lurralde okupatuetara bidaia bat egin zuen. Beraien helburua bertan bizi diren sahararren eskubideen egoera aztertu eta bueltan egoera hori hemen zabaltzea zen.Miren Gonzalez Goikoetxea tolosarra bidaia hartako partaidetako bat izan zen eta 'SOS Sahara" erakusketaren bidez ari da betetzen eginkizun hura.
Kale erakusketa. Mendebaldeko Sahara, emakumeen begirada. Javi Julioren muralak herritarrek osatuak.