Gabon kantak abesten, goizean, herrian zehar. Irurako ikastolako haurrak kantuan aterako dira.
Herriko bi puntutan, presoen etxeratzearen aldeko materiala salduko dute. Pegatinen truke borondatea emateko aukera ere izango da.
Herrian zehar ibiliko dira arratsaldean Olentzero eta Mari Domingi, herriko umeentzat. Herritar guztiei arduraz jokatzeko, jende pilaketak ekiditeko eta ahal den heinean, etxeetatik ikusteko eskatzen zaie.
Usarrabi frontoian 11:00etan egongo dira.
Olentzero eta Mari Domingiri harrera, Aranen (sarrera San Inaziotik). Hauspoa kultur elkarteak antolatuta. 5 urtetik beherakoek guraso batekin joan beharko dute.
Olentzero eta Mari Domingi Gure Zirkuan izango dira. Gainera, jostailu bilketa egingo da, haurrek jadanik erabiltzen ez dituzten jostailuak bildu eta hauek, behar dituztenei emateko. Gonbidapenak www.bibe.me webgunean, abenduaren 15etik (09:00) aurrera. Bisiten iraupena: 15 minutu. Erosketa bakoitzean gehienez 6 sarrera.
Tolosako Udal Musika Bandak Gabon eguneko kontzertua eskainiko du Zerkausian. Gabonetako abestiak eskainiko dituzte.
Non da Olentzero? Potxin eta Patxinen eskutik kiroldegian. Gonbidapenak kultur etxean. Hauspoa kultur elkarteak antolatuta.
Iruran zehar. Osasun egoera dela-eta, kalejira etxeetatik jarraitzea eskatzen da, pilaketak ekiditeko. Etxeetan banatuko zaizkie goxoki poltsak, 10 urte arteko haurrei.
18:00ak inguruan Urdinarrain auzotik herrira jaitsi eta herrian zehar ibilbide bat osatuko dute Olentzero eta Mari Domingik traktore gainean. Haurrei goxokiak banatuko zaizkie, eta arduratsu jokatzeko eskatu dute Beastu guraso elkartekoek.
EmPoderArte elkarteak eta Tolosako Berdintasun sailak antolatutako erakusketa da Sorginak!.
17:30 - 20:30 artean ikusgai asteartetik larunbatera. Moda jasangarriaren bilduma Hondakinak prebenitzeko astea 2020. Azaroaren 21etik 29ra, Europa osoan, Hondakinen Prebentziorako Europako Astea ospatuko da. Hondakinen prebentzioa eta kudeaketa jasangarria sustatzea helburu duen astea da. Urtero, gai bat aukeratzen da ardatz gisa eta edizio honetan, honako gai hau aukeratu dute: hondakin ikusezinak!Hondakin ikusezinak produktuak fabrikatzeko prozesuan sortutako hondakinak dira, normalean, kopuru handitan sortzen direlarik. Hauen zati bat ezin da birziklatu eta zabortegietan eta erraustegietan amaitzen dute. Hondakinen aztarnarekin batera, sortutako CO2aren inpaktua dator. Ekoizpen eta kontsumoa jasangarria izan dadin, produktuek bizitza luzeagoa izan behar dute, konpontzen eta birziklatzen errazagoak izan behar dira. Produktuaren balio-bizitza handitzeak ekoizpen berri baten beharra murrizten du, eta, beraz, baita fabrikazioan sortutako hondakin-kopurua ere.Ehungintza da planetan ingurumen-inpaktu handiena duen sektore ekonomikoetako bat, bai ekoizpenean, uren eta lurzoruen kutsaduraren ondorioz, bai ondorengo kontsumoan eta hondakinetan. Estatuan bakarrik, zabortegietara iristen den materialaren % 10-15 ehun-hondakina da. Karelia erakusketak gaiaren inguruan hausnarketa eragitea eta kontsumo iraunkorraren aldeko aldaketak sustatzea du helburu.
Urtero legez, Gabonetako karrusela egongo da Trianguloan.
Eguberritako txotxongilo erakusketa Tolosako zenbait dendatan (Tolosa&Co-ren laguntzarekin). Gainera, Topic-ek denda horietara gerturatzen direnei jokoren bat proposatuko die.
Arte Azoka 3 tabernan. Naiara Delgado, Idoia Elosegi, Txitxi Orbegozo, Joseba Mercader, Nerea Linazasoro, Miren Gonzalez, Oihana Ugarte, Alberto Letamendi, Miren Atxega, Arantza Munita eta Lamberto Perurena.
Galtzakomik lehiaketara aurkeztutako lanak ikusgai daude kultur etxean.
Laskorian ikastolaren elkartasun ufada. Lehengaien bilketa Caritas, Zaporeak eta Gipuzkoako Elikagaien Bankurako. Abenduak 19 eta 26 (10:00-13:30 eta 17:00-19:00). Abenduak 20-23 (17:00-19:00).