Atzerritarrei buruzko legeak emakume etorkinen bizitzan duen eraginari buruzko hitzaldia SOS Arrazakeriaken eskutik, gazteleraz. Aurrez eman behar da izena. Matrikula doan.
Txor Txor bakarrizketa umoretsua. Sarrera doan (aforoa bete arte). Ez da sarrerarik edo gonbidapenik behar. Euskaraldia ekimena gizarteratu nahi da emanaldi honen bidez, batez ere, ahobizi eta belarriprest rolak eta hauek adierazten dituzten portaerak.
Kamerata Euskadivarius. Beethoven-en 250. urteurrena. 2020.urtean Ludwig van Beethovenen konposatzaile handiaren jaiotzaren 250.urteurrena ospatuko dute. Kamerata EusKdivariusek omenaldi handi bat eskaini nahi dio eta erronka bere 9 Sinfonia famatuak Gipuzkoa osoan zehar zabaltzea izango da.
Kamerata Euskadivarius: Beethovenen 250. urteurrena, 1.go sinfonia.
Jose Luis Longaron 1952 - 2019. Tolosako artista, irakasle, laguna,.. izan zenari omenaldia. Antolatzaileak eta lagunak: Jose Ramon Anda, Garbiñe Biurrun, Iñaki Caballero, Josema Gonzalez, Joxemari Iturralde, Joaquin Labayen, Leyre Markinez, Iñigo Royo eta Joseba Urteaga. Eskaintza publikoan modu desberdinetan hartu du parte Jose Luis Longaron artistak. Alde batetik, kalean bere artelanak jarri ditu, guztiontzako eskuragarri, Euskal Herria plazako sabaietan, udaletxeko hormetan eta denboraren poderioan galtzen joan diren beste leku batzuetan ere bai, ez baititugu ahaztu behar Urrutitxo hotelean eta Igarondoko igerilekuko kanpo aldeko hormetan jarri zituen lan efimeroak. Baina ezin ahaztu irakasle gisa egindako lana ere.
Dolua, barnehutsaren kolorea irudietan. Tintaz eta ur kolorez egindako marrazkiak. 36 marrazkiz osatutako erakusketa.
EmPoderArte elkarteak eta Tolosako Berdintasun sailak antolatutako erakusketa da Sorginak!.
Tolosaldeko mugikortasun-ereduaren inguruan hausnartzeko erakusketa jarriko da. Nola bermatu mugikortasun-eredu iraunkor bat landa-eremuan? Zeintzuk dira premiak? Bada, horrelako galderei tiraka, herritarrengan hausnarketa eragiteko espazio bat sortu du Tolosaldea Garatzenek. Targazki taldearen laguntzarekin antolatutako argazki lehiaketako saridunen lanak ikusteko ere aukera izango da erakusketa horretan. Hain zuzen, mugikortasunaz hausnar egin eta nahi zuten eran irudika zezaten eskatu zitzaien parte hartzaileei.