Lorea Agirre, Idurre Eskisabel eta Iban Toledo egileak izango dira aurkezpen ekitaldian, Aloña Jauregi Landarlan Ingurumen Elkarteko ordezkariarekin batera. Galderak egiteko aukera egongo da.
Martxoaren 5ean inauguratu zuten Anoetako emakumeak herriari erakusketa, liburutegian. Covid-19 dela eta, astebetez bakarrik egon zen ikusgai, horregatik formatu digitalean zabaltzea erabaki dute. Erakusketaren bidez balioa eman nahi izan diote herriko emakumeek hainbat esparrutan herriari egiten dioten ekarpenari, haien jarduna bistaraziz. www.anoeta.eus helbidean ikusi daiteke.