Ohiko espazioetara itzuliko da larunbateko azoka. Leku bakoitzak bere sarrera eta irteera puntuak izango ditu. Postuen arteko txandakako sistemarekin jarraituko da, mugatua izango baita espazio bakoitzean egon ahal izango duten ekoizleen kopurua. Segurtasun- eta osasun-neurriak mantendu egingo dira espazio guztietarako: bi metroko tartea gorde beharko da, bai ilaran, baita postuan bertan ere, eta produktuak ekoizleek baino ezingo dituzte ukitu. Norberak eraman beharko ditu eskularruak eta maskarak. Gainera, Azoka, zure etxera banaketa zerbitzua mantenduko da. Eskaerak telefonoz, WhatsApp bidez edo posta elektronikoz egin daitezke, eta Azokaren nahiz udalaren sare sozialetan aurki daitezke parte hartzaileen ordutegi eta harremanetarako datuak.