Arratsaldeko 15:50 aldera gertatu da istripua, Gi-2631 errepidean, 1,3 kilometro parean, Asteasurako bidean. Auto batek zuhaitza jo du errepidetik aterata. Barruan zihoazen bi emakumeak zauritu dira eta Donostiako Ospitalera eraman dituzte.
Olentzo jatetxea baino lehenago gertatu da istripua, Opel Astra auto bat errepidetik atera denean. Ertzaintza, anbulantzia eta suhiltzaileak gerturatu dira bertara, nahiz eta ez duten erreskaterik egin behar izan.
Autoaren barruan, 18 eta 19 urteko bi emakumezko zihoazen eta zauriak izan dituzte istripuaren ondorioz. Donostia Ospitalera eraman dituzte biak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!