Carlos Uragak prestatutako erakusketa da eta Iruña-Veleian topatutako ostraken erreplikak ikusi daitezke. Hainbat adituren iritziekin osatu dute erakusketa.
Bide batez, larunbatean, martxoak 11, Iruña-Veleiako aztarnategira bisita antolatu dute eta goizean aztarnategia ikustearekin batera, arratsalde pasa egingo dute Gasteizen izena ematen dutenek. Emakumeen Egunaren inguruan antolatu dute irteera hau.
Ekimen hauei amaiera emateko, martxoaren 15ean Juan Martin Elexpuruk hitzaldia eskainiko du eta Iruña-Veleia zertan den esplikatuko du. 19:30ean izango da hitzordua Plazida Otaño liburutegian bertan.