Zizurkilgo Udalak, Aurrera, Atxulondo eta Pasus tabernen laguntzarekin XI. Blues Jaialdia antolatu du. Ekimenaren barruan hiru kontzertu ikusteko aukera egongo da larunbatean Zizurkilen. Krisiaren eragina izan arren, aurrekontua erdira jaitsi dute, maila handiko artistak joango dira Aurrera, Atxulondo eta Pasus tabernetako kontzertuetara. Horien artean, Joan Pau Cumellas armonika jotzailea aipatu behar da. Kataluinarrak Miguel Talaverarekin osatuko du bikotea, eta blues, country eta jazz doinuak eskainiko dituzte. Euskal Herriko ordezkaria The Romanticos taldea izango da. Musika afro amerikarra jorratzen dut, eta 2009an sortu zen talde honetan Iker Piris tolosarrak jotzen du.
Antolatzaileek eskualdeko herritar guztiak gonbidatu dituzte gaualdira, «horrelako musikariak ikusteko aukera paregabea egongo baita larunbatean Zizurkilen».
Egitaraua
Otsailak 23, larunbata
23:00. Atxulondo tabernan, Joan Pau Cumellas & Miguel Talavera.
00:15. Pasus tabernan, The Romanticos.
01:30. Aurrera tabernan, Gaby Jogeix Blues Band.