Gaur, asteazkena, Zizurkilgo Udalak 2013 honetarako prestatutako aurrekontuak aurkeztuko ditu herritarren aurrean. Hitzordua Zizurkilgo Atxulondo Kultur Etxean izango da, 19:00etatik aurrera.
Herritarrentzat zein erakundeentzat aurtengoa urte zaila izango zenaren jakitun, aurrekontu parte hartzaileak landu ditu Zizurkilgo Udalak. Batzordeetan bilduta, lehentasunak finkatu eta doiketen inguruan eztabaidatu dute herritarrekin.
Herritarren parte hartzea
Eztabaida horiek baliatuta prestatu dituzte aurrekontuak, eta, beraz, bermatuta geratu da herritarren parte hartze zuzena. Hori dela eta, udalak eskerrak eman nahi dizkie prozesuan parte hartu duten guztiei, eta hurrengo urteko aurrekontuetan parte hartzearen bidean sakontzeko konpromisoa hartzen du.
Prozesua amaitzeko, biharko hitzorduan azalpenak emango dituzte, udalak aurrekontu horiekin egin ahalko duenaz eta ezingo duenaz. Aurkezpena euskaraz izango da, baina dokumentazioa gazteleraz banatuko da inork jarraitu nahiko balu.