Gipuzkoa Ogi Berri taldearen elastikoarekin ariko da lasterketetan, eta bere lehen proba iragan larunbatekoa izan zen. Donostian, Espainiako Kopako lasterketa jokatu zen Donostiako belodromoan. Olaberriak scratch proba irabaztea lortu zuen, bere maila erakutsiz: «Oraindik forma hobetu beharra daukat; asko dago egiteko. Geldi egon naizen denbora honetan txirrindularitza asko ikusi dut, eta agian, horregatik, ez zait hain arraroa egin berriro lehiara itzultzea. Egia esan, oso gustura sentitu naiz».
Larunbatekoa Espainiako Kopako hirugarren jardunaldia izan zen. Eliteei dagokienez, scratch proban Leire Olaberriaren atzetik Gipuzkoa Ogi Berriko Eukene Larrarte sailkatu zen. Kanporaketa eta puntuaketa proban, postuak aldatu zituzten bi taldekideek, Larrartek lehen postua lortu zuen eta Olaberriak bigarrena.
Kadete mailan, hirugarren postua eskuratu zuen Garazi Estevezek scratch proban. Puntuaketan, berriz, garaipena eskuratu zuen.
Abiadura probei dagokienez, Tania Calvok hartu zuen parte probetan, 200m, keirin eta bakarkako abiaduran, eta guztietan eskuratu zuen garaipena.