Ikastetxeei begirako saioa izan da gaurkoa, baina horrek ez du herritarren jakinmina itzali, eta asko izan dira, Tolosaldea LHII, Inmakulada, Don Bosco, Fraisoro eta Peñascal ikastetxeetako postuetara bertaratu diren herritarrak ere.
Izan ere, tentagarria da bost esparru profesional eskuetan hartzeko aukera izatea: industria, sukaldaritza, osasun zientziak, ingurumena nahiz kimika. Eta, guztia euskaraz; eskualde askotan ez bezala.
08:00etatik 14:00etara bitarte, Tolosaldeko, Andoaingo eta Leitzako ikastetxeen bisitak izan dituzte gaur, Trianguloko karpan, eta bihar ate irekien goiza izango da, datozen urteetako bidea irekitzear dauden gazteentzat.