Gazteenetan, Nahia Amondarain ibartarrak hirugarren postua lortu zuen jardunaldiko sailkapen orokorrean. Julen Dorronsorok (Albiztur) eta Iñaki Diazek (Tolosa) berriz ez zuten podiumik erdietsi, baina maila onean lehiatu ziren.
Jubenil mailan, berriz, jardunaldira lidertzan iritsi zen Unai Iribarrek garaipena eskuratu zuen Scratch proban, eta bigarren postuan sailkatu zen kanporaketan. Emaitza horiekin, jardunaldia irabazteaz gain, Kopako lehen postuari eustea lortu zuen ibartarrak.
Hurrengo jardunaldia izango da kopako azkena, eta apirilaren 1ean jokatuko da Donostian.