Nazio ereduaren inguruko galdeketarako bi hilabete baino falta ez direla, Tolosaldeako Giltzarriak martxoaren 19ko galdera adosteko lehen mugarria ezarriko du, datorren larunbatean, Tolosako Beotibar pilotalekuan.
10:00etatik 13:00era bitarte, eskualdeko ehun pertsona inguru elkartuko dira, eta parte-hartze dinamika bati jarraituz, hainbat ekarpen aterako dituzte, martxoaren 19ko galdera osatzeko.
Zelai Nikolas Gure Esku Dagoko bozeramalea eta Iñigo Urrutia EHUko irakaslea parte hartzaileak gidatzen ariko dira, eta Beotibarko saioan jasotako ekarpenak batzorde sustatzaileari helaraziko dizkiete; haiek adostuko dute galdera.
Gaur, 19:00etan, Tolosako kultur etxean Galdeketara bidean hitzaldia eskainiko dute Beñat Sarasolak eta Angel Oiarbidek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!