Doinu afrikarrak Tolosaldean

Tolosaldeko Ataria 2016ko aza. 8a, 13:13

Tolosandafro taldeak Birakabareta ikuskizuneko zati bat gorpuztu du, datorren larunbaterako. Antzerkia, zirkoa, pailazoak eta dantza afrikarrak nahasten dituen ikuskizuna da. 19:30ean izango da Topicen.

Sarrerak egunean bertan edo interneten eros daitezke, zortzi eurotan. Zikloia 2016 jaialdia ospatuko da datozen egunetan Tolosan, eta jaialdi horren barruan antolatutako ikuskizuna da. 

TOLOSALDEKO ATARIA emanaldirako bi sarrera ari da zozketatzen atarikideen artean. Har ezazu parte! 

Dantza eta perkusio ikastaroa

Azaroaren 12an eta 13an Afrikako erritmoak ikasteko aukera izango da Tolosako BOXan. Papson Syllak eta Bibiche Sambouk eskainiko dute ikastaroa. Izena emateko 600 84 04 41 telefono zenbakira deitu edo somoskawadeni@gmail.com helbidera idatzi dezakete herritarrek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!