Lau ikertzailek emango dute iritzia biharko jardunaldian. Ana Gandarak 60ko hamarkadako azken parteko ideia kulturalez hitz egingo du. Enrike Hurtadok, berriz, Ez Dok Amairuren ikuskizunetan txalapartak izan zuen presentzia aipatuko du eta Oier Araolazak, mugimendu honek dantza tradizionalari egin zion ekarpena aipatuko du.
Imanol Artola Felix amezketarrak Benito Lertxundiren inguruan egin duen ikerketa emango du ezagutzera eta Iñar Sastre irurarrak, berriz, hainbat euskal doinuren inguruan egin dituen moldaketak emango ditu pianoz.